දුම්පානය හෝ වේප් කිරීම නැවැත්වීමට ඔබට උපකාර කිරීම සඳහා Quit පවතියි.
දුම්පානය නතර කිරීම - ඔබේ සෞඛ්‍යයට පමණක් නොව, ඔබට වඩාත්ම වැදගත් වන වෙනුවෙන් ද ඔබට කළ හැකි බලවත්ම තේරීමකි. එය අභියෝගයක් විය හැකි නමුත්, ඔබේ ආදරණීයයන්ගේ සුවිශේෂී අවස්ථාවල දී ඔවුන් සමග සිටිය හැකි බවට වන සිතුවිල්ල මගින් ඔබට නතර කිරීමට ශක්තිය ලබා දෙනු ඇත. එය දුෂ්කර ලෙස හැඟී යා හැකි නමුත් උත්සාහ කිරීමට බොහෝ හේතු පවතියි.
ඔබේ අභිප්‍රේරණය කුමක් වුවත්, දුම්පානය නතර කිරීමට ගන්නා සෑම පියවරක් මගින් ම සදහටම දුම්පානය නතර කිරීම කරා ඔබව සමීප කරයි.
නැවැත්වීමේ ඇති ප්‍රතිලාභ
දුම්පානය හෝ වේප් කිරීම නතර කිරීමෙන් ඔබේ ජීවිතයට බොහෝ ප්‍රතිලාභ අත්විය හැකිය:
- ඔබට දුම්පානය හෝ වේප් කිරීම ආශ්‍රිත රෝග ඇතිවීමේ අවදානම අඩු කරයි තම ජීවිත කාලය පුරාම දුම් පානය කරන සෑම පුද්ගලයන් 3 දෙනෙකුගෙන් 2ක් පමණ දුම්පානය නිසා මිය යයි. සුබ ආරංචියක් වන්නේ ඔබ දුම්පානය නැවැත්වූ වහාම ඔබේ ශරීරය යථා තත්ත්වයට පත් වීමට පටන් ගන්නා බවයි.
- අක්‍රීය දුම්පානය නිසා ඔබේ පවුලට සෞඛ්‍ය ගැටලු ඇති කිරීමේ අවදානම ඔබ අඩු කරයි
- ඔබට මුදල් ඉතිරි කරගත හැකිය
- ඔබට පවුලේ අය සමග ගත කිරීමට වැඩි කාලයක් ලැබෙනු ඇති අතර ඔබ දරුවන්ට හොඳ ආදර්ශයක් වනු ඇත
- ඔබේ රසය සහ සුවඳ පිළිබඳ හැඟීමෙහි වැඩිදියුණුවක් ද ඔබට දැකිය හැකි වනු ඇත
Quitline – ඔබේ භාෂාවෙන් නොමිලේ සපයන උපකාර
Quitline යනු දුම්පානය හෝ වේප් කිරීම නැවැත්වීමට ඔබට උපකාර කිරීම සඳහා නොමිලේ උපදෙස් සහ සහාය ලබා දෙන උපදේශන සේවාවකි. අපගේ උපදේශකයින්ට භාෂණ පරිවර්තක සේවාවක් භාවිතයෙන් ඔබේ භාෂාවෙන් ඔබ සමග කතා කළ හැකිය. ඔවුන්ට කළ හැකි දේ:
- ඔබට ගැලපෙන පුද්ගලාරෝපිත නැවැත්වීමේ සැලැස්මක් සැදීම.
- ඔබගේ ප්‍රයත්නය මුලුල්ලේ ම මගපෙන්වීම්, දිරිගැන්වීමට හා උපාය මාර්ග සැපයීමට
ඔබේ භාෂාවෙන් Quitline සමග භාෂණ පරිවර්තකයෙකු භාවිතා කර කතා කිරීමට 13 7848 අමතා “මට සිංහල භාෂාවෙන් පරිවර්තකයෙකු අවශ්‍යයි” යැයි පවසන්න.
ඔබේ වෛද්‍යවරයා සමග කතා කරන්න
දුම්පානය හෝ වේප් කිරීම නැවැත්වීමට ඔබේ වෛද්‍යවරයාට ද ඔබට උපකාර කළ හැකිය. ඔබට ඇසිය හැකි ප්‍රශ්න සමහරක්:
- නිකොටින් ඉවත් වීමේ රෝග ලක්ෂණ කළමනාකරණය කරන්නේ කෙසේද?
- මට නැවැත්වීමට උපකාර කළ හැකි ඖෂධ තිබේද?
- මා මෙම ඖෂධවල අතුරු ආබාධ වලක්වා ගන්නේ කෙසේද?
- මම දැනට පාවිච්චි කරන බෙහෙත් ගැන සමාලෝචනයක් කළ යුතුද?
ඔබ දුම්පානය නැවත්වීමට පවුලේ සාමාජිකයෙකුට සහාය දෙනවාද?
දුම්පානය හෝ වේප් කිරීම නතර කිරීමට උත්සාහ කරන කෙනෙකුට උපකාර කිරීම සඳහා ඔබට කළ හැකි බොහෝ දේ පවතියි. යමෙකුට නතර කිරීමට උපකාර කිරීමට පහත උපක්‍රම භාවිත කරන්න.
- ගෞරවනීය වන්න
- සහයෝගය ලබා දෙන්න
- අවශ්‍ය තරම් කාලයක් ඔබ ඔවුන් සමග සිටින බව ඔවුන්ට පවසන්න.
- ධනාත්මකව සිටින්න.
ඔබ මිතුරෙකුට හෝ පවුලේ අයෙකුට දුම්පානය හෝ වේප් කිරීම නැවැත්වීමට උදව් කරන්නේ නම් ද ඔබට Quitline වෙත කතා කළ හැකිය. ඔවුන්ට මනා සහාය සපයන්සනේ කෙසේදැයි උපදෙස් ලබා දීමට Quitlineට හැකිය.
කතාබහ ආරම්භ කිරීමට ඉඟි:
- "නැවැත්වීම ගැන උපදේශකවරයෙකුට නැත්නම් වෛද්‍යවරයාට කතා කිරීම ගැන ඔයා හිතලා තියෙනවද? ඔවුන්ට ප්‍රයෝජනවත් උපදෙස් තියෙන්න පුළුවන්."
- "ඔයා තමන්ගෙ සෞඛ්‍ය වැඩිදියුණු කරගන්න පියවර ගන්න එක ගැන මට ආඩම්බරයි. දුම්බීම නැත්නම් වේප් කිරීම නවත්තන්න ඔයාට උදව් වෙන්න මට කරන්න පුළුවන් දෙයක් තියෙනවා නම් කියන්න."
- "ඉවත් වීම අපහසු බවක් දැනෙන්න පුළුවන්, නමුත් ඔබේ සෞඛ්‍යයට සහ අපේ පවුලේ යහපැවැත්මට ලැබෙන ප්‍රතිලාභ ඔබට ඉක්මනින් පෙනෙනු ඇත, එය බොහෝ වටියි. ඔයාගෙ නැවැත්වීමේ ප්‍රයත්නය දිගටම කරගෙන යන්න උදව් කරන්න අපිට කරන්න පුළුවන් දේවල් මොනවද?"
ප්‍රවේශ්‍යතාව - Recite Me
අපගේ සම්පත් සියලුම පරිශීලකයින් සඳහා ප්‍රවේශ විය හැකි බවට පත් කිරීම අපගේ අරමුණයි. මෙයට සහය වීමට, අපි Recite Me පිරිනමන්නෙමු, එය ප්‍රවේශ්‍යතා සහ භාෂා ආධාරක මෙවලමක් වන අතර එමගින් සියලු හැකියාවන් ඇති පුද්ගලයින්ට අපගේ අන්තර්ගතය සමග සම්බන්ධ වීමට උපකාර කිරීම සඳහා නිර්මාණය කර ඇති විශේෂාංග මාලාවක් සපයයි.
Recite Me ඔස්සේ පරිශීලකයින්ට:
- වෙබ් පිටුවේ භාෂාව විවිධ භාෂා 100 කට වඩා වෙනස් කිරීමට
- පෙළ විවිධ භාෂාවලින් ශබ්ද නගා කියවීමට
- කියවීමේ හැකියාව වැඩි දියුණු කිරීම සඳහා අකුරු ප්‍රමාණය, වර්ගය සහ වර්ණ පරස්පර ඇතුළුව පෙළෙහි පෙනුම අභිරුචිකරණය කිරීමට
- පහසු සංචලනය සඳහා තිර කියවනය, කියවීමේ පාලකය හෝ විශාලන වීදුරු වැනි මෙවලම් භාවිතා කිරීමට අවස්ථාව සළසයි.
Recite Me භාවිතා කිරීම සඳහා පහත දැක්වෙන පියවර අනුගමනය කරන්න:
- Recite Me මෙවලම් තීරුව ගෙන ඒමට තිරයේ ඉහළ දකුණේ, ප්‍රවේශ්‍යතා නිරූපකය මත ක්ලික් කරන්න.
- මෙවලම් තීරුව දිස් වූ පසු, භාෂා වෙනස් කිරීමේ අයිකනය මත ක්ලික් කර ඔබ අයදුම් කිරීමට කැමති භාෂාව තෝරන්න.
- ඔබට පෙළ ප්‍රමාණය ගැලපීම, වර්ණ වෙනස, සහ කියවීමේ ආධාරක වැනි වෙනත් ප්‍රවේශ්‍යතා මෙවලම් ද භාවිත කළ හැකිය.
Quit රහස්‍යතා ප්‍රතිපත්තිය
ඔබේ පෞද්ගලිකත්වය සුරැකීමට Quit කැපවී සිටියි. Quitline සහ වෙනත් ආධාරක සම්පත් වැනි සේවාවන් සැපයීම සඳහා අපි පුද්ගලික තොරතුරු රැස්කර භාවිත කරන්නෙමු. ඔබගේ තොරතුරු සුරක්ෂිතව සහ රහසිගතව තබා ඇති අතර, නීතියෙන් අවශ්‍ය විට හැර, ඔබගේ අනුමැතියෙන් තොරව අපි එය බෙදා නොගනිමු. වැඩි විස්තර සඳහා, කරුණාකර අපගේ සම්පූර්ණ රහස්‍යතා ප්‍රතිපත්තිය කියවන්න.